Qendra Kombëtare Terapeutike dhe Rehabilituese për Fëmijët Tiranë, në kuadër të veprimtarisë së saj institucionale dhe në zbatim të legjislacionit në fuqi, siguron administrimin, zbatimin dhe monitorimin e kontratave të lidhura për nevoja të funksionimit të saj.
Zbatimi i kontratave kryhet në përputhje me kushtet e përcaktuara në aktet përkatëse kontraktore, duke garantuar realizimin e shërbimeve, mallrave apo punimeve të kontraktuara brenda afateve, cilësisë dhe buxhetit të miratuar.
Monitorimi i kontratave realizohet nga strukturat përgjegjëse të institucionit, të cilat ndjekin:
- zbatimin e detyrimeve kontraktore nga palët;
- respektimin e afateve të ekzekutimit;
- verifikimin e cilësisë së shërbimeve/mallrave të ofruara;
- përputhshmërinë me dokumentacionin financiar dhe teknik.
Në rastet e nevojshme, hartohen raporte periodike dhe verifikime në terren, si dhe mbahen procesverbale mbi ecurinë e zbatimit të kontratave.
Sa i përket udhëzuesve dhe politikave të brendshme, Qendra vepron në bazë të:
a) udhëzimeve dhe rregulloreve të Ministrisë së Shëndetësisë dhe Mirëqënies Sociale;
b) akteve nënligjore në fuqi për administrimin publik dhe financiar;
c) politikave të brendshme institucionale që rregullojnë procedurat e prokurimit, menaxhimit të fondeve dhe funksionimit administrativ.
Këto akte shërbejnë si bazë për garantimin e transparencës, ligjshmërisë dhe efikasitetit në veprimtarinë e institucionit.